Хорватия терма жамоаси бош мураббийи Златко Далич Черногорияга қарши сафар ўйинида Лука Модрични майдонга тушириб, ўз ваъдасини бажарди.
"Милан"нинг 40 ёшли футболчиси жаҳон чемпионатига саралаш учрашуви якунланишига 12 дақиқа қолганида захирадан майдонга тушди ва маҳаллий томошабинлар олқишига сазовор бўлди.
"Стадиондаги муҳит жуда яхши эди. Баданим жимирлаб кетди. Мен буни кўплаб стадионларда бошдан кечирганман, бу ҳар доим ёқимли, аммо қўшни мамлакатдаги томошабинлар сени шундай кутиб олишса - бу ўзгача ҳолат. Уларга чин юракдан раҳмат," - дея Модричнинг сўзларини келтиради Sportklub.
Хорватия Черногорияга қарши ўйинда 0:2 ҳисобини 3:2'га айлантира олди.
