Дортмунднинг "Боруссия" клуби ва Германия терма жамоаси ҳимоячиси Нико Шлоттербек ЖЧ-2026 саралашидан ўрин олган Словакияга (6:0) қарши ўйинни сарҳисоб қилди.
Немислар гуруҳда биринчи ўринни эгаллади ва тўғридан-тўғри мундиалнинг финал босқичига йўл олди.
"Агар Словакия билан ўйнаганимиздек ўйнасак, биз ҳақиқатан ҳам кучли жамоа бўламиз. Ишончим комилки, жароҳат олган футболчилар сафга қайтгач, жаҳон чемпионатида яхши ўйин кўрсата оламиз.
Ҳимоячиларга тўп етиб бормагани ҳар доим ёқимли. Ўтган ўйинда бизда унчалик кўп иш бўлмади. Бундай ҳолатлар тез-тез такрорланишини истардим.
Биз нимагадир эришмоқчимиз ва шахсан мен жаҳон чемпионатида ғалаба қозониш учун бораман", - дея Шлоттербекнинг сўзларини келтиради DFB сайти.
