"Барселона" ярим ҳимоячиси Педри жароҳатидан сўнг сафга қайтишга тайёргарлик кўрмоқда. 22 ёшли футболчи "кўк-анорранглилар"нинг аввалги учта ўйинини ўтказиб юборган, шунингдек, Испания терма жамоасининг ноябрь ойида бўлиб ўтадиган ЖЧ-2026 саралаш ўйинларига бормаган.
RAC1 хабарига кўра, Педри Ла Лиганинг "Атлетик" Бильбао (22 ноябрь) билан бўладиган ўйинида қатнаша олмайди, аммо Чемпионлар Лигасининг "Челси"га (25 ноябрь) қарши ўйинида иштирок этиши кутилмоқда. Катта эҳтимол билан, Лондонда юлдуз хавбек асосий таркибда эмас, балки захирадан майдонга тушади.
Педрининг мақсади 2 декабрь куни бўлиб ўтадиган Мадриднинг "Атлетико" клубига қарши ўйингача тўлиқ тикланиб, оптимал спорт формасига киришдан иборат.
