Мадриднинг "Реал" клуби футболчиси Франко Мастантуоно "Барселона"га қарши ўйинда Винисиус Жуниорнинг алмаштирилиши билан боғлиқ можароли эпизод ҳақида гапирди.
"Винисиус ўша эпизодда ўзини нотўғри тутгани аниқ ва у буни билади, шунинг учун Хаби ва бутун жамоадан узр сўради. Вини - ажойиб инсон, кийиниш хонасида қувонч манбаи. У ҳар доим майдонда ўзини кўрсатишга тайёр", - деди Мастантуоно El Larguero нашрига берган интервьюсида.
Эслатиб ўтамиз, "Реал" ва "Барселона" ўртасидаги баҳс 2:1 ҳисобида ғалаба билан якунланганди.
