"Ливерпуль" ҳужумчиси Муҳаммад Салоҳ мавсумни муваффақиятли ўтказмаяпти. "Қизиллар" ҳужумининг етакчиси дриблингда одатдагидек сермаҳсуллик ҳам, ишончли ўйин ҳам кўрсатмаяпти.
WhoScored нашрининг таъкидлашича, Салоҳ тўпни йўқотиш (25 та) бўйича Премьер-лигада "Тоттенхэм" аъзоси Муҳаммад Куддусдан (30 та) кейин иккинчи ўринда бормоқда. Кейинги ўринларда "Астон Вилла"дан Морган Рожерс (23), Жоао Педро ("Челси"), Илиман Ндиайе ("Эвертон") ва Жоржино Рюттер ("Брайтон") - 22тадан тўп йўқотиш қайд этилган.
Муҳаммад Салоҳ Англия чемпионатида 11 та ўйинда 4 та гол ва 2 та голли узатмани амалга оширди. Ўтган мавсумда 33 ёшли футболчи 29 та гол ва 18 та голли узатма билан АПЛ тўпурари ва ассистенти бўлди.
