Мадриднинг "Реал" клуби вингери Франко Мастантуоно ўзи ва "Барселона" вакили Ламин Ямал ўртасида танлов қилди.
"Қаймоқранглилар"нинг 18 ёшли футболчиси айни дамда "кўк-анорранглилар" сафидаги испаниялик тенгдошига имкониятни бой бераётганини тан олди.
"Менми, Ямалми? Ҳозир - Ламин. У ақл бовар қилмайдиган даражани намойиш этмоқда. Мадридга эндигина келдим, мослашишда давом этяпман. Умид қиламанки, мени "Реал" билан узоқ ва муваффақиятли ҳамкорлик кутмоқда", - дея жавоб берди аргентиналик El Ларгуэро нашрига берган интервьюсида.
"Қироллик клуби" Мастантуонони ўтган ёзда "Ривер Плейт"дан сотиб олган эди. Трансфер қиймати 45 млн еврони ташкил этган.
