Миланнинг "Интер" клуби ўнг қанот ҳимоячиси Дензел Дюмфрис халқаро танаффус олдидан олган жароҳатидан тикланишда давом этмоқда.

29 ёшли футболчи Нидерландия миллий жамоасининг ноябрь ойидаги ўйинларини ўтказиб юборди. Журналист Даниэле Марининг маълум қилишича, латерал "нерадзуррилар"нинг А Серия ва Чемпионлар Лигаси доирасида 23 ва 26 ноябрь кунлари бўлиб ўтадиган "Милан" ва "Атлетико"га қарши муҳим ўйинларида ҳам майдонга тушмаслиги мумкин.

"Интер" Италия чемпионатининг 11-туридан кейин 24 очко билан мусобақа жадвалида пешқадамлик қилмоқда.