"Барселона" президенти Жоан Лапорта жамоада "Манчестер Сити" форварди Эрлинг Холандни кўришни истамоқда, деб хабар берди El Nacional.
Манбага кўра, Лапорта уни 2026 йилги президентлик кампаниясидан кейин сотиб олмоқчи, бу унинг учун сайловларда асосий қуроли бўлиши мумкин. Футболчининг ўзи таклифларни кўриб чиқишга тайёр ва бундай вариантни истисно қилмайди.
Қайд этилишича, Лапорта "Барселона" президенти лавозимига қайтганидан бери Холандни ўз жамоаси сафига қўшиб олиш ҳақида ўйламоқда. Футболчининг шартномаси 2034 йилгача амал қилади ва унда ҳеч қандай товон пули банди йўқ. Футболчининг маоши бонуслар билан бирга йилига тахминан 25 миллион еврони ташкил қилади.
25 ёшли Холанд жорий мавсум "Ман Сити" сафида 19 та ўйинда майдонга тушди ва 22 та гол ҳамда 2 та голли узатмага муаллифлик қилди.
