"Манчестер Юнайтед" бош мураббийи Рубен Аморим клуб афсоналарини жамоани кейинги босқичга олиб чиқишга ёрдам беришини истайди.
The Sun нашрининг Аморимга яқин манбага таяниб хабар беришича, менежер Эрик Кантона, Дэвид Бекхэм, Пол Скоулз, Тедди Шерингем, Энди Коул ва Дуайт Йорк каби собиқ "Қизил иблислар" футболчиларини футболчилар билан ишлаш учун жалб қилмоқчи.
Аморим бу олти собиқ футболчига чуқур ҳурмат билан қарайди. Илгари португалиялик мураббий собиқ футболчиларнинг жамоа билан мулоқот қилишини ва ўз билим ва тажрибалари билан ўртоқлашишини қадрлаган.
"Манчестер Юнайтед" ҳозирда Премьер-лига жадвалида еттинчи ўринда бормоқда.
