Ярим ҳимоячи Поль Погба майдонга қайтмоқда. L'Equipe хабарига кўра, мураббий Себастьян Поконьолининг эҳтиёткорона гапларига қарамай, Погба "Ренн"га қарши бўлажак ўйиндаёқ "Монако" сафида майдонга тушишга тайёр бўлади.
Погба икки йилдан ортиқ ўйнамаган - у допинг учун дисквалификация муддатини ўтаган, кейин эса оптимал формага қайтиш устида ишлаган. Тез орада 32 ёшли хавбек монаколиклар сафида дебют қилиши кутилмоқда.
Футбол бўйича Франция чемпионати доирасидаги "Ренн" - "Монако" учрашуви 22 ноябрь, шанба куни бўлиб ўтади.
"Монако" Франция чемпионати жадвалида олтинчи ўринни эгаллаб турибди.
