"Барселона"нинг чап қанот ҳимоячиси Жерар Мартин жамоанинг тез орада "Камп Ноу"га қайтиши ҳақида гапирди.
"Кўк-анорранглилар" 22 ноябрь, шанба куни янгиланган қадрдон стадионида илк бор майдонга тушади. Рақиб Бильбаонинг "Атлетик" жамоаси бўлади.
"Мен жуда хурсандман. "Барселона" учун "Камп Ноу" нимани англатишини ҳамма билади. Мен учун бу илк ўйинимни ўз стадионимизда ўтказиш имконияти.
Мен одатдаги муҳитни кутмоқдаман. Ёшлигимда, "Барса"га ўтишдан олдин ҳам "Камп Ноу"га мухлис сифатида борганман, энди у ерда ўйнашим мумкин. Бу ақл бовар қилмайдиган ҳиссиёт бўлади", - дея Мартиннинг сўзларини келтиради Managing Barca.
