Лондоннинг "Арсенал" клуби ҳужумкор ярим ҳимоячиси Эберечи Эзе Эден Азарнинг ўйинидан ҳайратга тушганини айтди.
Бельгиялик собиқ вингер 2012 йилдан 2019 йилгача "Челси"да ўйнаган ва 2023 йилда "Реал"даги муваффақиятсиз тўрт йиллик фаолиятидан сўнг фаолиятини якунлаган.
"16 ёки 17 ёшимдан Азарнинг ўйинини кузатишни жуда яхши кўрардим. Унинг нимаси ўзига хос? Эркинлиги. У маълум бир вақтда керакли деб билган ишни қиларди. У майдонда ўйламасди, шунчаки ўзини намоён қиларди. Мен учун у энг яхшиси," - дея 27 ёшли инглизнинг сўзларини келтиради The Touchline.
Эберечи Эзе жорий йилнинг август ойида "Кристал Пэлас"дан "Арсенал"га ўтган эди. Трансфер қиймати қарийб 70 млн еврони ташкил этган.













