Саудия Арабистонининг "Ал-Аҳли" клуби ҳужумчиси Айвен Тони январь ойида Премьер-лигага қайтиш учун маошининг сезиларли даражада қисқаришига рози бўлишга тайёр. Бу ҳақда TEAMtalk хабар бермоқда.
Манбага кўра, 29 ёшли форвардга "Тоттенхэм" ва "Эвертон" клублари жиддий қизиқиш билдирмоқда. Қайд этилишича, Тоуни бўлажак жаҳон чемпионатига Англия терма жамоаси қайдномасидан жой олишни жуда хоҳламоқда.
Миш-мишларга ишонадиган бўлсак, айни дамда Тонининг "Ал-Аҳли"даги маоши йилига тахминан 23,5 млн еврони ташкил этади.
Жорий мавсумда Тони барча мусобақаларда 15 та ўйинда майдонга тушиб, 11 марта рақиблар дарвозасини ишғол қилди ва 2 та голли узатмани ўз ҳисобига ёздириб қўйди.
