ФИФА президенти Жанни Инфантино "Интер" Майами ва Аргентина терма жамоаси ҳужумчиси Лионель Мессининг футбол ривожига ва 2026 йилги Жаҳон чемпионатига тайёргарликдаги ҳиссасини юқори баҳолади.
"Амалдаги жаҳон чемпионлари КОНМЕБОЛдан навбатдаги жаҳон чемпионатида иштирок этиш ҳуқуқини қўлга киритган биринчи вакиллари бўлди ва шубҳасиз, тўртинчи юлдузни қўлга киритишни орзу қилмоқда. Бундай юқори даражани узоқ вақт давомида сақлаб қолиш осон эмас, ва Аргентина бунга эришди. Бутун жамоани, мураббий Лионель Скалони ва Аргентина футбол ассоциацияси президенти Чики Тапияни табриклайман.
Лео олтинчи жаҳон чемпионатида ўйнашини интиқлик билан кутяпман. Бу мислсиз воқеа бўлиб, кейинги турнирнинг тарихий характерини тасдиқлайди. Месси каби футбол қаҳрамонлари АҚШда спорт ривожида ҳал қилувчи роль ўйнади. Месси америка футболи, бейсбол ва баскетболни диққат билан кузатиладиган мамлакатда тан олинган ва ҳурматга сазовор қаҳрамондир. У ҳақиқий элчи ва МЛСда рекордлар ўрнатишни давом эттирмоқда", – деди Инфантино.
