FIFA prezidenti Janni Infantino "Inter" Mayami va Argentina terma jamoasi hujumchisi Lionel Messining futbol rivojiga va 2026 yilgi Jahon chempionatiga tayyorgarlikdagi hissasini yuqori baholadi.
"Amaldagi jahon chempionlari KONMEBOLdan navbatdagi jahon chempionatida ishtirok etish huquqini qo‘lga kiritgan birinchi vakillari bo‘ldi va shubhasiz, to‘rtinchi yulduzni qo‘lga kiritishni orzu qilmoqda. Bunday yuqori darajani uzoq vaqt davomida saqlab qolish oson emas, va Argentina bunga erishdi. Butun jamoani, murabbiy Lionel Skaloni va Argentina futbol assosiasiyasi prezidenti Chiki Tapiyani tabriklayman.
Leo oltinchi jahon chempionatida o‘ynashini intiqlik bilan kutyapman. Bu mislsiz voqea bo‘lib, keyingi turnirning tarixiy xarakterini tasdiqlaydi. Messi kabi futbol qahramonlari AQSHda sport rivojida hal qiluvchi rol o‘ynadi. Messi amerika futboli, beysbol va basketbolni diqqat bilan kuzatiladigan mamlakatda tan olingan va hurmatga sazovor qahramondir. U haqiqiy elchi va MLSda rekordlar o‘rnatishni davom ettirmoqda", – dedi Infantino.
