"Монако" яримҳимоячиси Александр Головин клубини ўзгартиришга тайёр бўлиш шартини айтди. Головиннинг сўзларига кўра, у "қизил-оқлар"ни фақат супер жамоа учун тарк этади.
"Агар тўғридан-тўғри "Реал" ёки "Барселона" каби супер жамоа мурожаат қилса, мен бундай қадам ташлашга тайёрман. "Боруссия," "Ньюкасл" мурожаат қилди. Мен бундан маъно кўрмадим", - деди Головин "Match ТВ" эфирида.
Александр Головин "Монако"да саккизинчи мавсумни ўтказмоқда. Россиялик "қизил-оқлар" сафида 241 та расмий ўйин ўтказиб, 36 та гол ва 40 та голли узатмани ўз ҳисобига ёздириб қўйган.
