"Милан"нинг истеъдодли ҳужумчиси, ҳозирда "Лечче"да ижарада тўп тепаётган Франческо Камарда футбол тарихига киришни орзу қилмоқда.

"Италия терма жамоасида ўйнашни орзу қиламан. Агар терма жамоага чақирув олсам, хурсанд бўлардим. Ўз фаолиятимни U-15 ёшлар терма жамоаси таркибида бошлаган бўлсам, ҳозирда U-21 ёшлар терма жамоасида ўйнамоқдаман. Бу мен учун фахр.

Мени Златан Ибраҳимович илҳомлантиради. У футбол тарихига кирди ва мен ҳам бунга эришишни истардим. Мен у ҳақидаги фильмни йилига камида бир марта кўраман. У барча даврларнинг энг яхши ўйинчиларидан бири," - дея қўшимча қилди Камарда.

2025/26 йилги мавсумда Франческо Камарда клуб ва Италия ёшлар терма жамоаси сафида 17 та ўйинда майдонга тушиб, 5 та гол урди ва 2 та голли узатмани амалга оширди.