2026 йилги жаҳон чемпионатига чиқиш учун Италия терма жамоаси ўз майдонида Шимолий Ирландияни, кейин эса меҳмонда Уэльс - Босния ва Герцеговина ўйини ғолибини мағлуб этиши керак. Ўтиш ўйинлари қуръасидан кейин "скуадра адзурра" бош мураббийи Женнаро Гаттузо изоҳ берди.

"Биринчи ўйин ҳақида ўйлаяпмиз. Шимолий Ирландияни ютиш қўлимиздан келади. Яхши ўйин ўтказишимиз керак - биз бунга қодирмиз. Биз Уэльс ва Боснияни биламиз. Кардиффдаги стадионда ҳаммада муаммолар бўлади, аммо ҳозир биринчи ўйинга эътибор қаратишимиз керак," - деди Гаттузо RaiSport’га.

Италия - Шимолий Ирландия учрашуви 2026 йилнинг 26 март куни бўлиб ўтади.