“Бавария” спорт директори Кристоф Фройнд клубнинг собиқ юлдузи Давид Алаба қайтиши мумкинлиги ҳақидаги саволга жавоб берди.

Австриялик универсал ҳимоячининг “Реал” билан амалдаги шартномаси 2025/26 йил мавсуми охиригача мўлжалланган.

Фройнд бу масалада очиқ-ойдин фикр билдирди:

“Ҳозирча ҳеч қандай режалар йўқ. Лекин Алаба "Бавария"да ўтказган йиллари давомида клубга беқиёс таъсир кўрсатган. У аъло инсон ва ақлли шахс. Фаолияти тугагач ҳам футбoлда яхши йўлдан боради. У ҳали бир неча йил ўйнашни ва Австрия терма жамоаси билан жаҳон чемпионатида иштирок этишни хоҳлайди,” — дея Фройнднинг сўзларини Sky Sport келтиради.

“Бавария” ҳозирги пайтда Германия чемпионатида етакчилик қилмоқда — жамоа “РБ Лейпциг”ни 6 очкога ортда қолдирган.