"Манчестер Юнайтед" ярим ҳимоячиси Каземиронинг амалдаги шартномаси келаси ёзда ўз ниҳоясига етади. Келишувда автоматик равишда бир йилга узайтириш имконияти кўрсатилган, бироқ "қизил иблислар" раҳбарияти бу бандни фаоллаштирмасликка қарор қилди, деб хабар бермоқда журналист Самуэл Лакхерст. Клуб 33 ёшли футболчига ҳафтасига 340 минг евродан ортиқ маош тўлашга тайёр эмас.
Каземиро "Манчестер Юнайтед"нинг энг кўп маош олувчи футболчилари учлигига киради. Томонлар ҳамкорликни давом эттиришга келишиб олишлари мумкин, аммо бошқа шартлар асосида. Кўплаб миш-мишларга кўра, хавбекнинг Англияда қолиши даргумон.
Жорий мавсумда бразилиялик футболчи ўнта ўйинда майдонга тушиб, 3та гол урган ва 1та голга ассистентлик қилган.
