"Manchester Yunayted" yarim himoyachisi Kazemironing amaldagi shartnomasi kelasi yozda o‘z nihoyasiga yetadi. Kelishuvda avtomatik ravishda bir yilga uzaytirish imkoniyati ko‘rsatilgan, biroq "qizil iblislar" rahbariyati bu bandni faollashtirmaslikka qaror qildi, deb xabar bermoqda jurnalist Samuel Lakxerst. Klub 33 yoshli futbolchiga haftasiga 340 ming yevrodan ortiq maosh to‘lashga tayyor emas.
Kazemiro "Manchester Yunayted"ning eng ko‘p maosh oluvchi futbolchilari uchligiga kiradi. Tomonlar hamkorlikni davom ettirishga kelishib olishlari mumkin, ammo boshqa shartlar asosida. Ko‘plab mish-mishlarga ko‘ra, xavbekning Angliyada qolishi dargumon.
Joriy mavsumda braziliyalik futbolchi o‘nta o‘yinda maydonga tushib, 3ta gol urgan va 1ta golga assistentlik qilgan.
