"Бавария" спорт директори Кристоф Фройнд клубга ўтишдан бош тортган вингер Антони ҳақида гапирди.
Яқинда бразилияликнинг ўзи яна бир бор Мюнхен гранди ёзги трансфер ойнаси ёпилиши олдидан у билан боғлангани, аммо у "Бетис"га ваъда бериб бўлгани учун рад жавобини берганини айтди.
"Ўша пайтлар вазият нотинч эди. Биз бир нечта ўйинчи номзодларини кўриб чиқдик - улар орасида Антони ҳам бор эди. Биз гаплашдик, лекин бу ўтмишда қолди. Ҳозирги таркибимиздан жуда мамнунмиз. Ўйлайманки, биз ўша вазиятда аъло даражада қарор қабул қилдик," - деди Фройнд журналист Флориан Плеттенбергга берган интервьюсида.
Антони ўтган мавсум "Манчестер Юнайтед"дан ижара асосида "Бетис" шарафини ҳимоя қилган эди. 1 сентябрь куни Севилья шаҳри клуби 25 ёшли футболчини 22 млн еврога сотиб олди.
