Мадриднинг "Реал" клуби Англия терма жамоаси ва Лондоннинг "Арсенал" клуби ҳужумчиси Букайо Сака билан шартнома имзоламоқчи. Бу ҳақда Fichajes нашри ёзмоқда.
Аввалроқ, "канонирлар" футболчи билан янги узоқ муддатли шартнома тузишни режалаштираётгани, аммо мадридликларнинг аралашуви бу режаларни бузиши мумкинлиги маълум бўлганди. Манбаларнинг таъкидлашича, "Реал" форвард учун 120-150 млн евро сарфлашга тайёр.
Сака бутун фаолияти давомида "Арсенал" шарафини ҳимоя қилган. Бу мавсумда ҳужумчи 14 та ўйинда майдонга тушиб, 6 та гол урган.
