Италия терма жамоасининг собиқ дарвозабони Жанлуижи Буффон Италияни сайёрамизнинг энг яхши жамоалари қаторига қайтариш мақсадида маҳаллий футбол федерацияси билан олиб бораётган ишлари ҳақида гапирди.

"Биз ўтиш даврини бошдан кечиряпмиз ва қайси йўналишда кетаётганимизни тушунмаяпмиз. Биз ўтмишдаги хатоларимиз учун товон тўлаяпмиз. Бугунги натижалар - бу Буффон, Каннаваро, Тоттининг кучига таяниб, бу абадий давом этади деб ўйлаган йигирма йиллигимиз мевасидир. Техник ва тактик моделларимизни ўша вақтдаёқ қайта кўриб чиқишимиз керак эди, аммо биз ўзимизни эртаклардаги чигирткадек тутдик", - дея Буффоннинг сўзларини келтиради La Gazzetta dello Sport.

Жорий жаҳон чемпионати саралашида италияликлар ўз гуруҳида иккинчи ўринни эгаллади ва плей-офф босқичига йўл олди.