Франция Лига 1 мусобақасининг 2025/2026 йилги мавсуми 13-туридан ўрин олган «Ренн» — «Монако» учрашуви бўлиб ўтди. Унда мезбонлар 4:1 ҳисобида йирик ғалаба қозондилар.

Учрашувнинг биринчи голини «Ренн» ярим ҳимоячиси Абдулҳамид Аит Будлал 20-дақиқада урди. Иккинчи бўлимнинг 48-дақиқасида мезбонлар ярим ҳимоячиси Маҳди Камара ҳисобдаги фарқни оширди.

66-дақиқада меҳмонлар сафидаги Денис Закария қизил карточка олди. «Ренн»нинг собиқ «Монако» ҳужумчиси Брил Эмболо 73-дақиқада ҳисобни йирик кўринишга келтирди. 83-дақиқада Людовик Блас мезбонларнинг тўртинчи голини киритди.

85-дақиқада «Монако» ярим ҳимоячиси Поль Погба майдонга туширилди. 90+5-дақиқада меҳмонлар ҳужумчиси Мика Биерет ҳисобни қисқартирган бўлса-да, ўйин 4:1 ҳисобида «Ренн» фойдасига якунланди.

13 та ўйиндан сўнг «Монако» 20 очко билан Франция чемпионати жадвалида 8-ўринни эгаллаб турибди. «Ренн» эса 21 очко билан 5-поғонада жойлашган.

Франция — Лига 1. 13-тур
Ренн — Монако — 4:1
Голлар: 1:0 — Аит Будлал, 20', 2:0 — Камара, 48', 3:0 — Эмболо, 73', 4:0 — Блас, 83', 4:1 — Биерет, 90+5'
Четлатишлар: Закария, 66' (Монако)