"Монако" ярим ҳимоячиси Поль Погба сўнгги икки йилдан кўпроқ вақт ичида илк бор ўйинда майдонга тушди.
32 ёшли футболчи 85-дақиқада захирадан майдонга тушди, ўшанда монегасклар "Ренн"га 0:4 ҳисобида ютқазаётганди. Қолган вақтда меҳмонлар орадаги фарқни биттага қисқартиришди.
"Мен учун футбол тугамади. Ишладим, қайтишини икки йилдан ортиқ кутдим, қийналдим. Шундай пайтлар бўладики, шайтон сени ўлдирмоқчи бўлади, лекин Худо бор. Мен ҳар доим ўзимга ва ўз фазилатларимга ишонганман. Ҳеч қандай айбим йўқлигини биламан. Умидим сўнмаган эди," - дея французнинг сўзларини келтиради RMC Sport.
