"Ливерпуль" жамоаси бош мураббийи Арне Слот "Ноттингем Форест"дан учралган мағлубиятдан сўнг (0:3) жамоанинг кайфияти ҳақида гапирди.
"Жамоанинг кайфияти ёмонми? Шундай бўлиши керак. 0:3 ютқазаётганингда қандай ҳолат бўлишидан қатъи назар, бундай кайфиятда бўлиш нормал ҳолат. Олдинда Чемпионлар Лигаси. Футболчилар ўзларида энергия топиб, яна олдинга интилишлари керак.
Бундай ҳолат "Энфилд"да тез-тез содир бўлмайди. Мен ўйинчиларга финал ҳуштагидан кейин мухлислар барибир қўшиқ айтишганини айтдим. Ҳисоб 0:3 бўлганида кимдир эртароқ уйига кетиши ғалати эмас," - дея Слотнинг сўзларини келтиради ВВС.
