"Челси" ва "Тоттенхэм" трансфер бозорида вингер учун курашда тўқнаш келади. Лондон клублари "Атлетик" вакили Нико Уильямсни ўз сафида кўришни истамоқда, деб хабар беради Fichajes.
Манбага ишонадиган бўлсак, "Челси" ва "Тоттенхэм" 23 ёшли Уильямс учун 70 миллион евро беришга тайёр. Нуфузли "Transfermarkt" портали футболчини айнан шу суммага баҳоламоқда.
Ўтган ёзда матбуот Нико Уильямсни "Барселона" билан фаол равишда боғлаган эди, аммо якунда футболчи "Атлетик" билан узоқ муддатли шартнома имзолади - 2035 йилнинг ўрталаригача.
2025/2026 йилги мавсумда Нико Уильямс 10 та ўйинда майдонга тушиб, иккита гол урди ва шерикларига иккита голли узатмани амалга оширди.
