Сешанба куни "Барселона" Чемпионлар лигасида "Челси" меҳмони бўлади. Бўлажак ўйин ҳақида Каталония клуби президенти Жоан Лапорта ўз фикрларини билдириб ўтди.
"Лондонга фақат ғалаба учун борамиз. Бу осон бўлмайди, чунки "Челси"да ажойиб жамоа бор. Улар кучли трансферларни амалга оширишди ва жуда мувозанатли. Лекин бизда ҳам ажойиб жамоа бор. Айрим футболчиларимиз сафга қайтди - Рафинья майдонга қайтиши билан гол уришига бир бахя қолди. "Челси" билан ўйинга яна бир қанча ўйинчиларимиз тайёр бўлади. Агар ўз даражамизни кўрсатсак, ғалабага умид қилишимиз мумкин," - деди Лапорта DAZN’га.
"Челси" - "Барселона" учрашуви 25 ноябрь куни Тошкент вақти билан соат 01:00да бошланади.
