Европа грандлари "Бавария" марказий ҳимоячиси Дайо Упамекано учун курашни давом эттирмоқда. Французнинг шартномаси мавсум якунлангач тугайди, шу боис келаси йил ёзида уни эркин агент сифатида қўлга киритиш мумкин бўлади.
Журналист Кристиан Фалкнинг маълум қилишича, футболчи асосий даъвогарлардан бири ҳисобланган "Ливерпул"га ўтиш имкониятини аллақачон истисно қилган. Энди 27 ёшли марказий ҳимоячи учун курашда "Реал" ва "ПСЖ" клублари фаворит сифатида тилга олинмоқда.
"Бавария" ҳамон Упамекано билан янги шартнома имзолашга умид қилмоқда. Музокаралар давом этмоқда. Футболчи ҳозирча розилик бермаяпти, гарчи у Мюнхенда бахтли эканлигини тан олган бўлса-да.
