"Ньюкасл"дан учралган мағлубиятдан сўнг "Манчестер Сити" бош мураббийи Хосеп Гвардиола оператор билан зиддиятга борди. Душанба кунги матбуот анжуманида Гвардиола ўша вазиятга изоҳ берди.
"Мен буни кўрганимда уяламан ва хижолат бўламан. Бу менга ёқмайди. Оператордан узр сўрайман. Мен қандай бўлсам, шундайлигимча қоламан. Баъзан хатоларга йўл қўяман. Мен жамоамни ва клубимни ҳимоя қиляпман," - деди Гвардиола журналистларга.
Айни пайтда Хосеп Гвардиола "Манчестер Сити"ни Чемпионлар Лигаси доирасидаги "Байер"га қарши уй учрашувига тайёрламоқда. Жамоалар 25 ноябрь, сешанба куни майдонга тушади. Старт ҳуштаги Тошкент вақти билан 01:00 да янграйди.
