Италия чемпионатининг 12-тури жорий мавсумдаги энг сермаҳсул ўйин бўлди. Бир вақтнинг ўзида иккита ўйинда олтитадан гол урилди. "Кальяри" "Женоа" билан муроса йўлини танлаган бўлса, "Комо" "Торино"ни Туринда тиз чўктирди - 5:1.
Маълум бўлишича, Сеск Фабрегас жамоаси Италия футболининг олий лигасидаги фаолияти давомида сафардаги энг сермаҳсул ўйинини ўтказган. Италия футболининг энг юқори дивизионида иккинчи мавсумини ўтказаётган "Комо" ҳали ҳеч қачон меҳмонда бешта гол урмаганди.
Натижада "Комо" Италия чемпионати турнир жадвалида 6-ўринга кўтарилиб олди.
