"Барселона" бош мураббийи Ханс-Дитер Флик "Челси"га қарши ўйинда (0:3) қалтис ўйин услуби жамоага панд берди, деб ҳисобламаяпти.
"Йўқ, муаммо бизнинг юқори мудофаа чизиғимизда эмас эди. Яхши ҳимояландик. Муаммо шундаки, биз оддий вазиятларда тўпни йўқотдик. "Челси" прессинг билан бизни боши берк кўчага киритмади, хавфли зоналарда тўпни олиб қўймади - уни ўзимиз совға қилдик," - деди Флик матбуот анжуманида.
"Барселона" ўтказилган бешта учрашувдан сўнг еттита очко жамғариб, умумий турнир жадвалида атиги 15-ўринни эгаллаб турибди. Кейинги турда "кўк-анорранглилар" ўз уйида "Айнтрахт"ни қабул қилади.
