"Barselona" bosh murabbiyi Xans-Diter Flik "Chelsi"ga qarshi o‘yinda (0:3) qaltis o‘yin uslubi jamoaga pand berdi, deb hisoblamayapti.
"Yo‘q, muammo bizning yuqori mudofaa chizig‘imizda emas edi. Yaxshi himoyalandik. Muammo shundaki, biz oddiy vaziyatlarda to‘pni yo‘qotdik. "Chelsi" pressing bilan bizni boshi berk ko‘chaga kiritmadi, xavfli zonalarda to‘pni olib qo‘ymadi - uni o‘zimiz sovg‘a qildik," - dedi Flik matbuot anjumanida.
"Barselona" o‘tkazilgan beshta uchrashuvdan so‘ng yettita ochko jamg‘arib, umumiy turnir jadvalida atigi 15-o‘rinni egallab turibdi. Keyingi turda "ko‘k-anorranglilar" o‘z uyida "Ayntraxt"ni qabul qiladi.
