Мадриднинг "Реал" клуби форварди Килиан Мбаппе "Олимпиакос" мухлисларининг хатти-ҳаракатлари ҳақида гапирди. Чоршанба куни "қаймоқранглилар" Грецияда 4:3 ҳисобида ғалаба қозонди - Мбаппе покер қайд этди. Учрашув бошланишидан олдин маҳаллий мухлислар француз тилида мадридликлар ҳужумчиси шаънига ҳақоратли сўзлар айтишди.

"Ҳа, чигалёзди машқлари пайтида жуда ёмон талаффуздаги французча қичқириқларни эшитдим. Аммо ҳаммаси жойида, мен эътиборимни ишга қаратдим, майдонда ўз мақсадимга эришдим ва ижобий кайфият билан ортга қайтяпман", - деди УЕФА томонидан ўйиннинг энг яхши ўйинчиси совринини олган Килиан интервьюда.

Якшанба куни "Реал" Ла Лига доирасидаги навбатдаги ўйинини "Жирона"га қарши ўтказади.