Лондоннинг "Арсенал" клуби собиқ футболчиси Пол Мерсон Европа Чемпионлар Лигаси умумий босқичининг 5-турида ўз майдонида Мюнхеннинг "Бавария" клуби устидан қозонилган ғалаба ҳақида фикр билдирди. Унда "канонирлар" 3:1 ҳисобида мюнхенликларни енгди.
"Арсенал" бутун Европага жиддий чақириқ билан чиқди. "Бавария" жорий мавсумда ўзини жуда яхши кўрсатмоқда, аммо бугунги ўйинда "канонирлар" шунчаки зўр ўйнашди. Учрашувнинг иккинчи ярмида мюнхенликлар шок ҳолатига тушиб қолишди," - дея Мерсоннинг сўзларини келтиради Sky Sports.
Микель Артета шогирдлари Европа Чемпионлар Лигаси умумий босқичида қаторасига бешта ғалабага эришди. 15 очко тўплаган лондонликлар турнир жадвалида якка пешқадамлик қилмоқда.
