Londonning "Arsenal" klubi sobiq futbolchisi Pol Merson Yevropa Chempionlar Ligasi umumiy bosqichining 5-turida o‘z maydonida Myunxenning "Bavariya" klubi ustidan qozonilgan g‘alaba haqida fikr bildirdi. Unda "kanonirlar" 3:1 hisobida myunxenliklarni yengdi.
"Arsenal" butun Yevropaga jiddiy chaqiriq bilan chiqdi. "Bavariya" joriy mavsumda o‘zini juda yaxshi ko‘rsatmoqda, ammo bugungi o‘yinda "kanonirlar" shunchaki zo‘r o‘ynashdi. Uchrashuvning ikkinchi yarmida myunxenliklar shok holatiga tushib qolishdi," - deya Mersonning so‘zlarini keltiradi Sky Sports.
Mikel Arteta shogirdlari Yevropa Chempionlar Ligasi umumiy bosqichida qatorasiga beshta g‘alabaga erishdi. 15 ochko to‘plagan londonliklar turnir jadvalida yakka peshqadamlik qilmoqda.
