УЕФА Чемпионлар лигаси умумий босқич 5-туридан ўрин олган ўйинда "Ливерпуль" ўз майдонида Нидерландиянинг ПСВ клубига 1:4 ҳисобида имкониятни бой берди. Бу натижа ҳақида мерсисайдликлар хавбеки Кёртис Жонс ўз фикрларини билдириб ўтди.
"Менда шунчаки сўз йўқ. Бу даҳшатли натижа. Жамоа анчадан бери бундай натижа қайд этмаганди. Биз йиғилишиб, клуб эмблемаси учун курашишимиз керак. "Ливерпул"да ҳозир аҳвол чатоқ. Жамоани ўрганиб қолган жойига қайтаришимиз керак", - дея яримҳимоячининг сўзларини келтиради Sky Sports.
Англия чемпионатида "Ливерпуль" 9-ўринга тушиб кетди. 12 турдан сўнг Арне Слот жамоаси 18 очко тўплади.
