"Милан" ҳужумчиси Сантьяго Хименес қишки трансфер ойнасида клубни тарк этиши мумкин.
24 ёшли футболчи "россонерилар" бош мураббийи Массимилиано Аллегрининг режаларига мос келмаяпти, дея хабар бермоқда инсайдер Николо Скира. Клуб январь ойида мексикалик футболчи бўйича таклифларни кўриб чиқишга тайёр, бироқ камида 30 млн евро сўрайди - А Серия гранди жорий йил бошида футболчини сотиб олиш учун айнан шунча маблағ сарфлаган.
Сантьяго Хименес жорий мавсум "Милан" сафида 11 та ўйинда майдонга тушди ва 1 та гол ҳамда 2 та голли узатмага муаллифлик қилди. Машҳур Transfermarkt портали мутахассислари форварднинг нархини 25 млн еврога баҳоламоқда.
