Жанубий Америка клубларининг энг нуфузли мусобақаси саналган Либертадорес кубогининг бу йилги соҳиби аниқ бўлди. Бу номга бу сафар Бразилиянинг «Атлетико Минейро» жамоаси сазовор бўлди.

Парагвайнинг «Олимпия» жамоасига қарши дастлабки финалда Роналдиньо жамоадошлари 0:2 ҳисобида имкониятни бой беришганди. Бразилияда кечган жавоб учрашувида ҳам худди шу ҳисоб қайд этилди. Бу сафар «Минейро» ғалаба қозонди.

Ҳисоб тенг бўлгач, ғолиб пенальтилар сериясига кўра аниқланди ва унда «Атлетико» 4:3 ҳисобида ғалаба қозониб декабрда бўлиб ўтадиган клублар ўртасидаги жаҳон чемпионатида иштирок этиш ҳуқуқини қўлга киритди.

Либертадорес Кубоги
Финал

АТЛЕТИКО МИНЕЙРО (Бразилия) – ОЛИМПИЯ (Асунсьон, Парагвай) 2:0 (0:0, 2:0, 0:0, 0:0), пенальтилар бўйича - 4:3
Голлар: Жо (46), Леонардо Силва (87).
Атлетико Минейро: Виктор, Жуниор Сезар, Леонардо Силва, Ревер, Маседо (Александро, 72), Анисио, Пьер (Розиней, 46), Жосуэ, Тарделли (Гильерме, 80), Жо, Роналдиньо.
Олимпия Асунсьон: Сильва, Аранда, Бенитес, Мансур, Салгеро (Биес, 83), С. Кандия, Питтони, Р. Мацакоте, Х. Миранда, Силва (M. Хименес, 71), Барейро (Феррейра, 46).
Огоҳлантиришлар: Анисио (22), Бенитес (22), Мансур (58), Салгеро (72), Сильва (84), Феррейра (88), M. Хименес (105), Луан (109).