"Бетис" клуби ўзининг расмий сайти орқали бош мураббий Мануэл Пеллегрини билан шартномани узайтирганини эълон қилди. Клуб ва мутахассис меҳнат шартномасини яна бир мавсумга - 2027 йилнинг ўрталарига қадар узайтиришга келишиб олди.
Мануэл Пеллегрини "Бетис"ни 2020 йил августидан буён бошқариб келмоқда. Ўшандан бери жамоа 275 та ўйин ўтказиб, 72 та дуранг ва 73 та мағлубият билан 130 та ғалабага эришди. Ўтган мавсумда "оқ-яшиллар" Конференциялар Лигаси финалига чиққан, аммо у ерда "Челси"га ютқазганди (1:4).
Ҳозирда "Бетис" Испания чемпионати турнир жадвалида бешинчи ўринни эгаллаб турибди. 30 ноябрь, якшанба куни Пеллегрини жамоасини "Севилья"га қарши дерби кутиб турибди.
