"Милан" "Рома"нинг украиналик ҳужумчиси Артём Довбикни кузатмоқда.
Италиянинг "Милан" клуби қишки трансферлар вақтида жамоанинг ҳужум чизиғини кучайтиришни режалаштирмоқда. "Мидтюлланд" шарафини ҳимоя қилаётган 21 ёшли ҳужумчи Франкулинога "россонерилар" фаол қизиқиш билдирмоқда, деб хабар беради Tuttomercatoweb.
Бундан ташқари, "Милан" ёзда жамоага ўтиши мумкин бўлган "Рома" форварди Артём Довбикни ҳамон кузатиб бормоқда. Бироқ, клуб Франкулинонинг трансфери муваффақиятсизликка учраган тақдирда украиналик футболчини ўз сафига қўшиб олишга ҳаракат қилади. Шунингдек, "Милан" муқобил вариант сифатида Франциянинг "Страсбург" клубидан Хоакин Паничелли ёки "Парма"дан Матео Пеллегрино трансферини кўриб чиқмоқда, аммо уларнинг трансфери қишда амалга ошиши даргумон.
Маълумот учун, Артем Довбик жорий мавсум "Рома" сафида 14 та ўйинда майдонга тушди ва 2 та гол ҳамда 2 та голли узатмага муаллифлик қилди. Украиналикнинг "Рома" билан шартномаси 2029 йил 30 июнгача мўлжалланган.
