"Milan" "Roma"ning ukrainalik hujumchisi Artyom Dovbikni kuzatmoqda.
Italiyaning "Milan" klubi qishki transferlar vaqtida jamoaning hujum chizig‘ini kuchaytirishni rejalashtirmoqda. "Midtyulland" sharafini himoya qilayotgan 21 yoshli hujumchi Frankulinoga "rossonerilar" faol qiziqish bildirmoqda, deb xabar beradi Tuttomercatoweb.
Bundan tashqari, "Milan" yozda jamoaga o‘tishi mumkin bo‘lgan "Roma" forvardi Artyom Dovbikni hamon kuzatib bormoqda. Biroq, klub Frankulinoning transferi muvaffaqiyatsizlikka uchragan taqdirda ukrainalik futbolchini o‘z safiga qo‘shib olishga harakat qiladi. Shuningdek, "Milan" muqobil variant sifatida Fransiyaning "Strasburg" klubidan Xoakin Panichelli yoki "Parma"dan Mateo Pellegrino transferini ko‘rib chiqmoqda, ammo ularning transferi qishda amalga oshishi dargumon.
Ma’lumot uchun, Artem Dovbik joriy mavsum "Roma" safida 14 ta o‘yinda maydonga tushdi va 2 ta gol hamda 2 ta golli uzatmaga mualliflik qildi. Ukrainalikning "Roma" bilan shartnomasi 2029 yil 30 iyungacha mo‘ljallangan.
