"Манчестер Юнайтед"нинг бош мураббийи Рубен Аморим "Кристал Пэлас"га қарши ўйин ғалаба йўлига қайтиш учун идеал имконият бўладими, деган саволга жавоб берди. Бу саволнинг сабаби "бургутлар" жамоаси пайшанба куни Европа турнирларида иштирок этгани эди.
"Бизнинг клубда доимо бир хил талаблар: ҳар бир ўйинда ғалаба қозониш шарт. Клубимизда ҳеч қандай баҳонага ўрин йўқ. Мен буни еврокубокларда ҳам таъкидлаган эдим. Ўтган йили Европада иштирок этганимизда ҳам худди шундай фикрни билдирган эдим - еврокубокларнинг ўзига хос афзалликлари ва камчиликлари бор. Барибир баҳоналарга ўрин йўқ - биз ҳар доим ғалаба қозонишимиз керак," - деди Аморим журналистларга.
"Кристал Пэлас" ва "Манчестер Юнайтед" ўртасидаги учрашув 30 ноябрь, якшанба куни бўлиб ўтади.
