"Manchester Yunayted"ning bosh murabbiyi Ruben Amorim "Kristal Pelas"ga qarshi o‘yin g‘alaba yo‘liga qaytish uchun ideal imkoniyat bo‘ladimi, degan savolga javob berdi. Bu savolning sababi "burgutlar" jamoasi payshanba kuni Yevropa turnirlarida ishtirok etgani edi.
"Bizning klubda doimo bir xil talablar: har bir o‘yinda g‘alaba qozonish shart. Klubimizda hech qanday bahonaga o‘rin yo‘q. Men buni yevrokuboklarda ham ta’kidlagan edim. O‘tgan yili Yevropada ishtirok etganimizda ham xuddi shunday fikrni bildirgan edim - yevrokuboklarning o‘ziga xos afzalliklari va kamchiliklari bor. Baribir bahonalarga o‘rin yo‘q - biz har doim g‘alaba qozonishimiz kerak," - dedi Amorim jurnalistlarga.
"Kristal Pelas" va "Manchester Yunayted" o‘rtasidagi uchrashuv 30 noyabr, yakshanba kuni bo‘lib o‘tadi.
