"Ливерпуль" бош мураббийи Арне Слот ўтган ёзда Луис Диаснинг сотилишига қарши чиққанди. Июль ойида инглиз гранди колумбияликни "Бавария"га қўйиб юборганди - трансфер қиймати 70 млн еврони ташкил қилганди. Caught Offside хабарига кўра, мерсисайдликларнинг нидерландиялик мураббийи келишувни қатъиян маъқулламаган, бироқ спорт директори Ричард Хьюз мураббийнинг фикрини инобатга олмаган.
Луис Диас Германияда ёрқин ўйин кўрсатмоқда: унинг ҳисобида Венсан Компани жамоаси сафида 18 та ўйинда 11 та гол ва бешта ассист бор. "Ливерпуль"нинг қиммат харидлари эса, аксинча, ҳозирча ишончни оқламаяпти. Слот жамоаси мавсумни муваффақиятсиз ўтказмоқда, шу сабабли матбуотда аллақачон мутахассиснинг истеъфоси ҳақида фаол гап-сўзлар юрибди.
