"Барселона" вингери Рафинья Диас Ла Лига доирасида "Алавес"ни мағлубиятга учратишга ёрдам бериб, голли узатма муаллифига айланди. Учрашув шанба куни бўлиб ўтди ва 3:1 ҳисобида каталонияликларнинг ғалабаси билан якунланди. Бразилиялик футболчи 26-дақиқада Дани Ольмога ассистентлик қилди.

Учрашув якунлангач, Рафинья жамоанинг тўпсиз ҳаракатида муҳим роль ўйнаши ҳақида гапирди.

"Энг яхши ҳимоя ҳужумдан бошланади. Ҳимоячиларимизнинг ишини енгиллаштиришга ҳаракат қиламан - тўпни қайтариш учун имкон қадар кўпроқ югураман. Мен прессингни бошлашга, босим уюштиришда жамоадошларимга йўл кўрсатувчи бўлишга ҳаракат қиламан. Мен бу масъулиятни ўз зиммамга оламан," - дея футболчининг сўзларини келтиради Barca Universal.

Рафинья сентябрь ойидан бери илк бор асосий таркибда майдонга тушди. У яқинда жароҳатидан кейин сафга қайтди.