"Кристал Пэлас" хавбеки Адам Уортон "Манчестер Юнайтед"нинг келаси йил ёзидаги трансфер истаклари рўйхатида бор. Бу ҳақда Mirror журналистлари хабар бермоқда.

Манбага кўра, манкунианликлар устози Рубен Аморим 21 ёшли ярим ҳимоячини "Олд Траффорд"га таклиф этиш ташаббускори ҳисобланади. Шу билан бирга, футболчининг шарти бор - у келаси мавсумда еврокубокларда иштирок этишни кафолатлайдиган клубга ўтишга тайёр.

Уортоннинг бозор нархи 60 миллион еврони ташкил этади. Ярим ҳимоячининг амалдаги шартномаси 2029 йилнинг ёзида ўз ниҳоясига этади.

Адам жорий мавсум "бургутлар" сафида 17 та жанг ўтказиб, 2 та голли узатмани ўз ҳисобига ёздириб қўйди.