"Эвертон" сафида тўп тепаётган 25 ёшли ҳужумчи Илиман Ндиайе бир вақтнинг ўзида Англия премьер-лигасининг бир неча клублари қизиқишлари доирасида. Бу ҳақда Footmercato журналистлари хабар бермоқда.
Манбага кўра, ҳужумчига "Ливерпуль", "Манчестер Сити" ва "Тоттенхэм" клублари қизиқиш билдирмоқда. Футболчининг трансфер нархи 35 миллион еврони ташкил этади.
Сенегаллик ҳужумчи "ирислар" сафига ўтган йилнинг ёзида кўчиб ўтган эди. У 2029 йилнинг ярмигача шартнома имзолади.
Ндиайе жорий мавсум "Эвертон" сафида 15 та баҳсда майдонга тушди ва 4 та гол ҳамда 1 та голли узатмага муаллифлик қилди.
