Аввалроқ, "Барселона" қишда ёки келаси ёзда жамоага янги марказий ҳимоячи олиб келмоқчи экани ҳақида хабарлар тарқалган эди.
Айни пайтда каталонияликлар "Манчестер Юнайтед"дан франциялик марказий ҳимоячи Лени Йорони трансфер қилиш вариантини кўриб чиқаётгани маълум бўлди. Қайд этилишича, Испания гранди келишувга футболчилар алмашинуви бандини ҳам киритишга, хусусан, "қизил иблислар"га Рональд Араухо номзодини таклиф қилишга тайёр.
Инглиз клубининг 20 ёшли ҳимоячиси жорий мавсум 12 та ўйинда майдонга тушди ва 1 та голли узатмани амалга оширди. Французнинг жамоа билан шартномаси 2029 йилгача мўлжалланган. Transfermarkt портали футболчини 55 миллион еврога баҳоламоқда.
